Astronomia tailerra Getarian Aranzadiren eta Urritzaren eskutik

Munduko lehen itzuliaren 500. urteurrena ospatzeko, Aranzadi Zientzia Elkarteak, Elkano Fundazioarekin eta Getariako Urritza aisialdi taldearekin batera, haurrentzako astronomia-tailer bat antolatu zuen joan den larunbatean, Elkanoren garaiko nabigatzaileen GPSa, konstelazioak, ezagutzeko.

Guztira 8 eta 12 urte bitarteko 35 haurrek parte hartu zuten tailerrean, Virginia Garcia Aranzadiko astronomia saileko zuzendariaren eskutik. Saioa bukatzeko, parte-hartzaileek euren planisferioa marraztu zuten aterki batean.