“Sevillak lehen mundu biraren 500. urteurrena elkarlaneko proiektu batekin ospatuko du; guztiona partikularraren gainetik egongo da”

2019, ABU 10
Antonio Muñozek, Sevillako Udaleko alkateordeak eta Kultura, Turismo eta Habitat Hiritarreko ordezkariak, ospakizunari buruz duen ikuspuntua kontatzen digu Mundubira 500: Elkano Fundazioari eskainitako elkarrizketa honetan.

Elkanoren itsasoratzea jaialdia ospatuko dute getariarrek, lehen mundubira gogoratzeko

2019, UZT 23
 Irailaren 14 eta 15ean ospatuko da eta herriko gizarte zein kultur eragile desberdinek, Getariako Udalak eta Elkano 500 Fundazioak diseinatu eta antolatu dute.

Asteburua baino lehen, lehen mundubiran euskaldunek izandako parte hartzea bultzatu zuen testuinguru historikoan sakondu nahi duen aste dibulgatzailea antolatu dute.

Miren Aintzane Eguiluz: “debekuak debeku eta inolako esker onik ez jaso arren, emakume euskaldunak era guztietako itsasoko lanak egiten zituen”

2019, UZT 6
XVI. mendean euskal itsas giroko emakumeen presentzia hurbilagotik ezagutzeko lana egin du Miren Aintzane Eguiluzek, eta lan hori ahozko komunikaziorik onena aukeratu dute Elkano eta munduaren inguruko lehen birari buruzko UPV/EHUko Udako Ikastaroan. 

Jose Mari Larramendi: “Elkanok erronka bat proposatzen digu, etnozentrismoarekin amaitu eta kultura aniztasuna bizitzea”

2019, UZT 5
Antropologoak dio lehen zirkumnabigazioaren ekarpena izan zela “mundializazio proposamen integratzailea”, eta proposamen hori aukera “bikaina” dela “gaur egungo globalizazio akosmikoa baino politikoki zuzena” berrikusteko.

Alvaro Aragón: “XV eta XVI. mendeetan Euskal Herria itsasoari lotutako zibilizazioa zen”

2019, UZT 5
UPV/EHUko irakasleak esan du XI. mendetik itsas-tradizioa eraikintzen hasi zela eta, 500 urteren buruan, euskaldunek lehen mailako itsas indarra izatea lotu zutela. Hau ezinbestekoa izan zen ozeanoz haraindiko aurkikuntzetan.

Amaia Rojo: “Elkanoren garaian, gizarte sareei eskerrak euskaldunek beren egoera sozial eta ekonomikoa hobetu zuten”

2019, UZT 5
UPV/EHUko ikertzaileak dio XVI. mendean Sevillako euskal komunitateak talde heterogeneoa osatzen zuela eta “talde kontzientzia” zutela. Euskaldunek izan zituzten enpresa- eta familia-harremanak komunitate osoarentzat izan ziren onuragarriak.

Pablo E. Pérez Mallaína: “itsasgizonak soldatapeko langile askeak ziren, artean feudala zen munduan”

2019, UZT 4
Sevillako Unibertsitateko katedradunak XVI. mendeko itsasgizonen bizi baldintzak aztertu ditu UPV/EHUko Udako Ikastaroetan.

Daniel Zulaika: “Ez geunden han halabeharrez”

2019, UZT 4
Magallanes-Elkano espedizioan euskaldunek izan zuten betekizuna aztertu du; 31 izan ziren espedizio hartan parte hartu zuten euskaldunak, eta horietatik seik eman zioten bira munduari

Xabier Alberdi: “Indietako bidea egin zuten itsasontzien %80a Euskal Herrian eraiki ziren”

2019, UZT 4
Elkano eta munduaren inguruko lehen birari buruzko UPV/EHUko Udako Ikastaroetan Euskal Itsas Museoko zuzendariak azaldu duenez, lehen zirkumnabigazioak agerian utzi zuen Magallanes-Elkano espedizioan parte hartu zuten hiru euskal naoen “itsasketarako gaitasunak bikainak” zirela; zinez, "Aro Modernoaren hasieran euskal itsasontzigintzaren teknologiak lortutako bikaintasunaren erakusgarri zen”.

Bilboko Itsasmuseumak Elkanoren bizitza errepasatzen duen erakusketa inauguratu berri du

2019, EKA 28
Itsasmuseumen 'J. S. Elkano. Tras la Huella' izeneko behin behineko erakusketa aurkeztu du, Donostiako Aquariumarekin lankidetzan antolatuta. Erakusketan dokumentu-bilduma garrantzitsu bat dago ikusgai, sarritan argitaragabea,  eta Getariako nabigatzailearen bizitza ezagutzeko aukera ematen duena, zirkumnabigazioa baino lehen, bidaiak iraun zuen denboran eta ondoren.

Erakusketak 400 metro karratu baino gehiago hartzen ditu. Hautatutako irudi eta objektuek aukera ematen diote denboran atzera atzera egin eta nabigatzaile haien egunerokotasuna ezagutzeko, baita  bidaietan ezagutu zuten jendearengana hurbiltzea ere.

Euskal Barrokensemblek CD-liburu bikoitza aurkeztu du Elkano eta euskal nabigazioa ardatz hartuta

2019, EKA 24
Ikerketa lan nekeza egin dute Getariako itsasgizonaren garaiko kultura eta euskal nabigazioaren historian sakonduz. 

Lehen zirkumnabigazioarekin eta XVI. mendeko nabigazioarekin lotura duten herrialdeetako artistek parte hartu dute lan honetan, baita Donostiako Orfeoi Gazte eta Txikiko ahotsek ere.

Mundubirako herrialdeen sukaldaritza Donostiara helduko da urrian

2019, EKA 4
Brasil, Argentina, Txile, Indonesia edo Filipinetako sukaldariburuek Donostia Gastronomikan parte hartuko dute urriaren 6tik 9ra.

Donostia Gastronomika-Euskadi Basque Country kongresu gastronomikoa Kursaal-eko auditoriumean egingo da urriak 6 eta 9 bitartean. Kongresua munduaren inguruko itzuliarekin lotura duten herrialdeetako sukaldaritzara gerturatuko da aurten, eta horrenbestez, Brasil, Argentina, Txile, Indonesia edo Filipinetako sukaldariburuek sukaldaritza aniztasuna erakutsiko dute Donostian, usain eta zaporeen mundubira berezi batean.

Emakumeari, zientzia modernoari, eskorbutoari edo itsasketa ezagutzei buruzko komunikazioak uda ikastaroan

2019, EKA 3
Egileek uztailaren 5ean aurkeztuko dituzte beren komunikazioak, Elkano eta lehenengo zirkumnabigazioari buruzko udako ikastaroan.

Zazpi idazlek aurkeztuko dituzte Elkano eta lehenengo zirkumnabigazioari buruzko lan-ildoak UPV/EHUko Udako Ikastaroan.

Elkano 500 Fundazioa Portugalgo enbaxadorearekin elkartu da Getarian

2019, MAI 18
Balizko lankidetza bideak aztertu zituzten arlo akademikoari, ingurumenari eta itsasontzigintzako ezagutzei lotutako proiektuetan.

Elkano 500 Fundazioko lehendakari eta Getariako alkate Nikanor  Lertxundik eta Fundazioko zuzendari Ion Irurzunek bilera egin zuten Francisco Ribeiro de Menezesekin, Portugalek Espainian duen enbaxadorea, eta enbaxadako kontseilari Carlos Costarekin, lankidetza-bideak aztertzeko lurraren inguruko lehen biraren 500. urteurrenean.

Elkanori buruzko Uda Ikastaroko ahozko komunikazioetan parte hartzeko epea maiatzak 22 arte luzatu da

2019, MAI 15
Deialdia historiagile zein beste hainbat esparrutako profesionalei irekia dago.

Elkano 500 Fundazioak maiatzak 22ra arte luzatu du Elkano eta mundubiraren inguruan ikertzen ari diren autoreek Uda Ikastaroko ahozko komunikazioetan parte hartu ahal izateko proposamenak aurkezteko epea.

Elkanori buruzko Uda Ikastaroko ahozko komunikazioetan parte hartu ahal izateko azken egunak

2019, MAI 6
Elkano eta mundubiraren inguruan ikertzen ari diren autoreek datorren maiatzaren 15 arte aurkeztu ahal izango dituzte proposamenak.

Historiagileak eta beste disziplinetako profesionalak, hezkuntza arloko profesionak edo artistak adibidez, uztailaren 4 eta 5ean Donostiako Miramar Jauregian egingo den UPV/EHUren Uda Ikastaroetan bere lan lerroak aurkezteko aukera izango dute, ahozko komunikazioen atalean.

Maiatzaren 31ra arte matrikula murriztua Elkano eta lehenengo zirkumnabigazioari buruzko udako ikastaroan

2019, MAI 2
Getariako itsasgizonak burututako lehen zirkumnabigazioko gertakarien ikuspegi eguneratua proposatzen du Elkano 500 Fundazioak sustatutako ikastaroak.

Consuelo Varelak Elkanoren lehen zirkumnabigazioari buruzko kronikak berrikusiko ditu

2019, API 30
Zientzia Ikerketen Kontseilu Nagusiko (CSIC) historialariak “Bidaiako kronikagileak” izeneko hitzaldia eskainiko du datorren maiatzaren 7an, munduaren inguruko lehen itzuliari eskainitako zikloaren barruan. Zikloaren antolatzailea San Telmo museoa da, Elkano 500 Fundazioarekin lankidetzan. 

Orain 500 urte Lurraren zirkumnagibazioaren berri eman zuten eguneroko, gutun, kontakizun eta adierazpenak aztertuko ditu Varelak bere hitzaldian. 

Elkanori buruzko Uda Ikastaroan ahozko komunikazioak aurkeztu ahal izateko epea ireki da

2019, API 10
UPV/EHUko Uda Ikastaroek lehen mundubiraren inguruko gertaerak berrikusi eta eguneratzea proposatuko dute.

Elkano 500 Fundazioak deialdia ireki du, ahozko komunikazioetan parte hartu nahi dutenen proposamenak maiatzaren 15a baino lehen biltzeko.

Euskadiko Orkestrak irailean estreinatuko du Elkanoren itsas bidaiari eskainitako lehenengo lana

2019, API 8
Mikel Chamizo konpositoreak jarri dio musika espedizioaren irteerari, Bilboko Koral Elkarteak eta Mojca Erdmann-ek interpretatu eta Robert Treviñok zuzendutako lanean.

Ezezagunerantz bidaiatzearen ideia izango da Euskadiko Orkestra Sinfonikoaren 2019/20 denboraldiko ardatz nagusia, eta barne hartuko ditu Elkanori eskainitako proiektuaren lehenengo bi konposizioak, Mikel Chamizo eta Mikel Urquizaren eskutik hurrenez hurren.

Lehen mundubiraren inguruko gertaerak berrikusi eta eguneratzeko uda ikastaroa

2019, API 3
Elkano 500 Fundazioarekin elkarlanean, mintegia uztailak 4 eta 5ean egingo da Donostiako Miramar jauregian.

Getariako itsasgizonaren zirkumnabigazioarekin amaitu zen Magallanes-Elkano espedizioaren 500. urteurrena ospatzen den honetan, Juan Sebastian Elkanok eta munduaren inguruko lehen itzuliak beren lekua izango dute UPV/EHUren Uda Ikastaroen XXXVIII. edizioaren programan.

EHUko masterreko ikasle batek Getariako antxoaren balio-katean jasangarritasunaren irizpidea txertatzeko proiektuan arituko da

2019, MAR 25
Jon Liguerzana Ingurumena, Iraunkortasuna eta GIH masterreko ikaslea da, Garapen Iraunkorra eta Ingurumen Hezkuntzari buruzko EHUko UNESKO katedraren barruan.

EHUko Ingurumena, Iraunkortasuna eta GIH masterreko ikasle eta ingeniari Jon Liguerzanak Elkano 500 Fundazioaren proiektu batean parte hartzen du, Getariako antxoaren ekoizpen prozesuari lotutako Garapen Jasangarriaren Helburuak (GIH) identifikatu, garatu eta txertatzeko gida baten definizioa.

 

`Elcano, lehen mundubira´, estreinaldi berezia Malagako zinemaldian

2019, MAR 23
"Elkanoren balentriak zer suposatu zuen ezagutzera emateko gure ekarpena egin nahi izan dugu, jendeak ezagutu eta ikertu nahi izateko", esan du luzemetrai animatuaren zuzendari Angel Alonsok.

Ezagutzen diren gertakari historikoetan eta bere protagonistetan oinarrituz, Irungo Dibulitoon ekoiztetxeak familia osoari zuzendutako luzemetraia sortu du.

 

"Mundubira. Elkano. Primus" antzezlanak hasi du bere bidea

2019, MAR 22
Loraldia festibalaren muntaia gaur estrenatu da, saio bikoitzean: goizez, emanaldi pedagogikoa egin dute eta, arratsaldez, Bilboko Untzi Museoan estreinaldia.

Oholtza gainean, Iñigo Aranburu Juan Sebastian Elkano izan da , eta Xabi Ortuzar, Juan de Zubileta itsasmutila. 

Kantabriarekin elkarlanerako aukerak irekitzen

2019, MAR 20
Fundazioko proiektuen koordinatzaile Rafael Zulaikak Getaria, Elkano eta mundubiraz hitzaldia eman du Astilleron.

Victoria untzian bueltatu ziren 18 gizonen artean Kantabriako Cueto herrian jaiotako Juan de Santander zegoen.

 

"Elkano, lehen mundubira" animazioko pelikula Malagako Zinemaldian ikusiko da lehen aldiz martxoaren 23an

2019, MAR 18
Dibulitoon euskal ekoiztetxearen luzemetraia uztailaren 5ean helduko da zine aretoetara.

Elkano, Loraldia festibalaren antzerki ikuskizuneko protagonista

2019, MAR 11
Mundubira. Elkano, Primus ikuskizunak oholtzan lau artista bilduko ditu. Martxoaren 22an estreinatuko da Bilbon eta Euskal Herrian zehar bira egiteko helburua du.

Mundubira. Elkano, Primus antzezlana Loraldia Kultur Elkartearen produkzio propioa da, formatu txikiko teatro-lana, eta lehen zirkumnabigazioaren 500. urteurrena gogoratzen du.

 

Elkano Fundazioak getariarren aurrean eman du gaur bere egitasmoaren berri

2019, OTS 14
Fundazioaren asmoak, aspirazioak, ideiak, ardurak eta mugak herriarekin konpartitzea eta kontrastatzea izan da helburua. Instrumentu eraldatzaila eta emankorra izateko, lan prozesu kolektiboa bultzatzeko garrantzia azpimarratu dute.

Fundazioa herri mailan izandako parte hartze prozesu luze baten ondorioz sortu zen eta, horregatik, lankidetza gune bat bezala jardun behar du

Elkano Fundazioaren mezenasek zerga-kenkariak izango dituzte

2019, OTS 8
Kultur-mezenazgoa bultzatzeko pizgarriak norbanako zein enpresentzat dira

Elkano Fundazioak bultzatutako egitasmoak diruz laguntzeak zerga-pizgarriak izango ditu PFEZ zein Sozietateen Errenten gaineko Zerga aitorpenean.

 

Lehen mundubiraren inguruko mitoei buruzko hitzaldia

2019, OTS 5
Elkano Fundazioaren Batzorde Zientifikoko kide Xabier Alberdik hitzaldia emango du gaur, Donostiako San Telmo Museoak Elkanoren mundubiraren inguruan antolatutako zikloaren barruan. 

 

Lehen mundubiraren inguruan sortu diren mitoak gainbegiratuko ditu, bereziki Elkano, Magallanes eta Victoria untziaren ingurukoak. Mito horiek interes ezberdinengatik sortu eta mantendu dira mendeetan zehar.

Pedro de Tolosa, lehen mundubira lortu zuen beste gipuzkoarra

2019, URT 30
Juan Sebastian Elkanorekin batera, beste gipuzkoar batek ere egin zuen lehen mundubira. Pedro de Tolosa zuen izena, 20 urte zituela untziratu zen Victorian eta itsasmutil bezala parte hartu zuen espedizioan.

Daniel Zulaikak, historialaria eta Elkano Fundazioko Aholkularitza Batzordeko kideak, bere berri emango du ostiralean, otsailak 1, Tolosako Kasinoan arratsaldeko 19:30etatik aurrera.

Mundubira musika bidelagun, munduari bira emateko bost partitura

2019, URT 29
Euskadiko Orkestra Sinfonikoak Mundubira musika bidelagun proiektua aurkeztu du,  lehen mundubiraren urteurrenari egingo dion ekarpena.

Bost obra enkargatu zaizkie beste hainbeste euskal konpositoreri, musika jar diezaieten espedizioaren zati ezberdinei eta, guztiak batera, bidaiaren osotasuna islatuko dute.

Elkanok Euskadi Murias taldea babestu du txirrindularien aurkezpen ofizialean

2019, URT 23
Elkano marka kamiseta mundu zabalean zehar eramango duten kirolariak aurkeztu ditu gaur taldeak.

"2019an Elkanok mundiari bira emango dio berriz ere. Eskerrik asko Euskadi Muriaseko lantaldeari erronka hau posible egiteagatik. Elkarrekin ilargira iristea ere desio dugu", esan du Elkano Fundazioko zuzendari Ion Irurzunek aurkezpen ekitaldian. Errenteriako Niessen zineman izan da aurkezpena, aretoa goraino izan delarik.

Elkanok munduari bira emango dio berriz ere Euskadi-Murias taldearekin

2019, URT 15
Fundazioak eta txirrindulari taldeak akordioa egin dute, kontinental profesional mailako txirrindulariek Elkano marka maillotean eramateko

2019 denboraldian Euskadi-Murias taldeko txirrindulariek Elkano marka eramango dute kamisetan, Elkano Fundazioak eta kirol taldeak egindako akordioari esker. Kontinental profesional mailako gizon eta emakumezkoen ekipoek eramango dute Elkanoren izena maillotean eta, ondorioz, Getariako marinelaren izpirituak berriz ere munduari itzulia emango dio, lehen mundibiraren 5. mendeurrena ospatzen denean. 

 

Fundazioak bere lantaldea osatu du, Rafael Zulaikaren sarrerarekin

2019, URT 7
Taldeko proiektu-koordinatzailea izango da  

Ion Irurzun zuzendariarekin eta Alaia Berriozabal proiektu-teknikariarekin batera, Zulaikaren egitekoa izango da lehen mundubira ospatzeko egingo diren ekimenak bultzatzea.

Andaluzian elkarlanerako bideak irekitzen

2018, ABE 14
Elkano Fundazioak bere proiektua aurkeztu du Sanlúcar de Barrameda eta Sevillan

Arlo desberdineko erakunde eta eragileekin elkarlana izango da Elkano Fundazioaren oinarrietako bat.

 

Elkano, egungo gizartea berriz pentsatzeko inspirazioa

2018, ABE 13
Elkano Fundazioak lehen mundubira ospatzeko egitarauaren zati bat aurreratu du

Fundazioak 2019-2022 eperako lan lerroak aurkeztu ditu. Helburuen artean, ezagutza historikoa landu eta ikertzea egungo gizartearen erronkak aztertu eta aintzat hartzeko, eta baita eredu sozio-ekonomikoak birpentsatzeko ere. 

Ver todas